Dilynwch ni ar Twitter @W_M_A

E-bostiwch ni wma@spencerdavid.co.uk

Ffôn 07502 575780

 

Elusen y Newyddiadurwyr yw enw gweithredu’r Newspaper Press Fund ac mae’n elusen gofrestredig yn Lloegr a Chymru (208215) a’r Alban (SC042405)


© 2018 Gwobrau Cyfryngau Cymru | Adeiladwyd gan Spencer David

Newyddiadurwr Clywedol y Flwyddyn

Am y tair stori newyddion radio/clywedol orau, neu un gyfres o dair stori newyddion radio/clywedol ar unrhyw un pwnc, wedi eu darlledu ar y radio neu eu cario fel podlediad clywedol ar wefan newyddion neu lwyfan ar-lein rhwng 1 Hydref 2018 a 30 Medi 2019.

 

Rhaid i waith a gyflwynwyd fod wedi ei gynhyrchu yng Nghymru, ar gyfer cynulleidfa yng Nghymru.

 

Rhaid i chi:

  • ddarparu ffeil MP3, neu lwytho eich ceisiadau i fyny i YouTube a chynnwys y ddolen, neu ddarparu dolen i wefan lle gellir gwrando ar eich gwaith. Mae’n amod cystadlu bod y dolenni hyn yn fyw, ac yn parhau’n fyw, tan ddiwedd Mawrth 2020. Os gwelwch yn dda sicrhewch eich bod yn darparu unrhyw gyfrineiriau sydd eu hangen. Gall methu â gwneud hyn arwain at waharddiad

  • gyflwyno un cais yn unig yn cynnwys tair stori glywedol/podlediad clywedol ar gyfer y categori hwn

  • ddarparu datganiad cefnogol (mwyafswm 300 gair), yn egluro eich gwaith a sut fe’i cafwyd/cynhyrchwyd.

 

Bydd y beirniaid yn chwilio am:

  • ansawdd cyffredinol o ran dyfnder ac ehangder y casglu newyddion a gohebu

  • straeon sy’n goleuo gwrandawyr ac yn darparu atebion

  • waith sy’n unigryw i’r teitl

  • ddatgeliadau, ymgyrchoedd a newyddiaduriaeth ymchwiliol

  • fewnwelediad, dadansoddiad, neu archwiliad o gyd-destun y straeon

  • newyddiaduriaeth sy’n achosi newid neu sy’n cael effaith canfyddadwy (cymdeithasol, gwleidyddol, corfforaethol, trefniadol), ynghyd â thystiolaeth o’r newid hyn

  • dystiolaeth o waith a wnaethpwyd i gael y stori - nifer y ffynonellau a ddefnyddiwyd

  • wreiddioldeb a chreadigrwydd - e.e. straeon sy’n archwilio safbwyntiau newydd ar bynciau cyfarwydd

  • arddull y cyflwyno, y defnydd o iaith

  • adeiladwaith a strwythur y stori - eglurder cyflwyno’r stori, dechreuad sy’n cymell

  • y gallu i ddistyllu a chyflwyno pynciau cymhleth mewn ffordd ddealladwy a hygyrch

  • gywirdeb, tegwch a chydbwysedd gohebu

  • ansawdd cynnwys clywadwy, sain atmosfferig

 

Mae’r trefnwyr yn cadw’r hawl i grybwyll/arddangos gwaith unrhyw gystadleuwyr yn y categori mewn unrhyw achos o gyhoeddusrwydd a marchnata sy’n ymwneud â’r gystadleuaeth heb dorri unrhyw hawlfraint.

 

Mae penderfyniad y beirniaid yn y categori hwn yn derfynol ac ni fydd unrhyw ohebiaeth.

 

SYLWCH: Mae hi’n bwysig eich bod yn cydymffurfio â’r meini prawf hyn gan y gallai methu a gwneud hynny arwain at eich cais yn cael ei wahardd.